!

Dularfulla jóladagatalsmálið snýr aftur

2010-12-21T11:40:00.000-08:00

Þetta er skrítið. Núna rétt í þessu fann ég súkkulaði sem týndist úr jóladagatalinu mínu fyrir ári síðan.

Hvað þýðir þetta? Hvaða skilaboð er andi jólanna að senda mér?

2010-05-11T12:50:00.000-07:00

Vertu ekki smeikur við að verða étinn af birni. Því í maga björnsins muntu finna leynileið til sveitaþorps í Sviss. Þar getur þú byrjað nýtt líf. Þú ert frjáls. You can do it right this time.

Afmælisboðskort

2010-03-18T14:20:00.000-07:00

2010-01-11T13:37:00.000-08:00

Hér endurpósta ég hluta úr gamalli færslu frá mér, um shiraz þrúguna. Lítillega breyttri. Ekki veit ég af hverju. þar sem þetta er ekkert sérstaklega vel skrifað hjá mér.

"shiraz þrúgan hefur þetta smávægilega kikk í bragðinu- kryddað vín. það minnir þig á þessa rómantísku stund sem þú áttir í costa rica með Gitana Dulcinea de Esperanza. þú hittir hana á hótelbarnum þar sem hún var að selja dauðar rósir og skákmenn úr brúnum pappírspoka. þið dönsuðuð alla nóttina. þér fannst eins og þetta væri rangt, en samt er þetta svo rétt. handfylli af shirözum seinna og þú ert einn með henni á ströndinni. þarna liggur þú og hlustar á fjarlægt hljóð þar sem ungur bóndasonur glímir við apa, og hún byrjar að afklæða sig. en klukkan er orðin margt og þú þarft að vakna snemma til að mæta í fjárhagsbókhaldsnámskeið, svo þú þakkar henni fyrir ánægjulega kvöldstund og óskar henni og sígaunaþorpinu hennar velfarnaðar í komandi faraldri."

Rán um hábjartan dag

2009-12-06T09:23:00.000-08:00

Í dag opnaði ég reit númer 6 í jóladagatali heimilisins og viti menn, þar var ekkert súkkulaði. Ég er ekki sáttur. Reyndar borða ég ekki súkkulaði nema afar sjaldan og þetta jóladagatala súkkulaði er álíka ljúffengt og smjörklessa í sykri. En það skiptir ekki máli. Hver stal súkkulaði númer 6 í jóladagatalinu mínu?

2009-02-22T11:15:00.000-08:00

Þar sem það er orðið mjög langt síðan ég bloggaði síðast ætla ég að endurpósta gamalli blogggrein frá sjálfum mér frá því 22. febrúar 2007, fyrir nákvæmlega tveimur árum síðan. Þar fjalla ég á hnellinn hátt um blogg og eðli þeirrar umræðu er fólk stundum skapar í blogggreinum um eigið blogg og hve langt er síðan það bloggaði síðast.

"nú er orðið annsi langt síðan ég hef bloggað. það virðist vera nokkuð algengt að fólk bloggi um að það sé langt síðan það bloggaði."

2008-09-01T13:29:00.000-07:00

Það fer að styttast í jólin. Ég mæli með því að fólk gefi sígarettur í jólagjafir í ár.

Barbe Rac 2004

2008-06-22T07:40:00.000-07:00

2008-04-08T12:30:00.000-07:00

1000 gr af ice-bæni í morgunmat mmmmm

Ingi að fá sér ice-bæn í morgunmat

Ómar að fela sig bak við bjórglas

Ómar að fela sig bak við staur

2008-04-01T13:12:00.000-07:00

Í tilefni af fyrsta apríl hef ég ákvðið að framkvæma opinbert aprílgabb sem er fólgið í því að pósta þessari mynd á bloggið mitt.

2008-02-26T14:22:00.000-08:00

Djöfull er ég að verða massaður!

2007-12-01T14:32:00.000-08:00

Klár?

En það sem hún meinti með þessari einföldu spurningu sinni var: Hvernig í nafni heilags Kládíusar ætlar þú að fara að því að vera klár fyrir svarta föstudaginn þegar þú lítur út fyrir að hafa smitast af svarta dauða?

Álfadrottningin hallaði sér að mér og klappaði mér á kinnina með ljúfu vorkunnarbrosi. Heyrðiru ekki söguna af því sem gerðist í morgun? Þú hljópst niður að Stóru Höllinni. Inní tóman stóra salinn og færð þér sæti við gullborðið. Lítur í kringum þig til að fullvissa þig um að það sé enginn að fylgjast með þér. Dregur upp Chavalierinn þinn og byrjar að þrífa hann. Blóðið á honum er storknað. Það er fólk byrjað að týnast inn í Höllina. Einn af öldungunum sest við hlið þér. Þú laumast til að þurka eitt einmana tár framan úr þér. Hann grípur í hönd þína til að fá þig til að hætta að þrífa sverðið. Róaðu þig vinur, þó þú verðir alla ævi að þrífa þetta sverð þá mun ávalt vera blóð á því. En ekki láta það koma í veg fyrir að þú þrífir sjálfan þig. Leyfðu mér að segja þér söguna af fólkinu sem hætti ekki að þrífa sig. Það eyddi öllum sínum tíma í að þrífa og gleymdi að sinna hundinum sínum. Dýralæknirinn sagði að það væri ekkert sem benti til þess að hundurinn væri með sýkingu. Fyrst hélt hann að þetta væri sýking sem safnaðist í gallið og þar sem hann drykki 16 lítra af vatni á dag væri gallið of þunnt til þess að það væri hægt að meta það almennilega. Ég benti honum á að ég ætti tvo hunda. Hann sagði að það flækti málið enn frekar og sagði mér sögu af fólki sem hætti að nota þvottaefni. Í staðinn fyrir þvottaefni fóru þau að nota tvær málmkúlur sem mágur minn sagði að virkuðu miklu betur en alvöru þvottaefni. Gerði vatnið almennilega blautt ef þú skilur hvað ég meina. Svipuð virkni og hjá venjulegu þvottaefni nema betra fyrir náttúruna. Ég sagði pabba mínum frá þessu og honum leist ekki á blikuna og sagði mér sögu af fólki sem hætti að þrífa sig. Voru hippar og bændur. Ekki góð blanda. Það var alltaf vond lykt af þeim.

2007-11-25T10:59:00.000-08:00

Yoelan hefur ekki ennþá svarað mér. líklega er mikið að gera hjá honum.

2007-11-21T12:41:00.000-08:00

Hvað er það vitlausasta sem hægt er að gera í heiminum í dag?

Ég veit það ekki en að svara skilaboði frá Yoelan sem hann sendir þér á myspace um ódýr raftæki sem hann býður þér telst líklega ekki til þess gáfulegasta sem þú gerir þann daginn. Þess vegna hef ég ákveðið að hefja hér framhaldssögu já svona raunveruleikaframhaldssögu um samskipti mín við Yoelan.

Þetta er pósturinn frá Yoelan

Dear friend:
We are a large wholesaler who mainly sell electronic products,such as digital cameras, mobile phones, LCD TV, Laptops Digital Video, GPS,MP4, and so on. We can offer you both high quality products and the lowest price .All items we list on the website are new styles and famous brands with sealed box. also come with official warranty .all the item is new and original ,if you want to contact us ,you can add our MSN or log on our website to chat with our workers by service center.
Our Web:http://www.cnfaddg.com
Our Email: cnfaddg888@hotmail.com
Our MSN : cnfaddg888@hotmail.com

Ég mæli ekki með því að fólk reyni að fara inn á heimasíðuna hans. Tölvan mín fór að gefa frá sér undarleg áreynsluhljóð þegar ég reyndi það. Einnig tel ég að maður þyrfti að vera frávita klikkaður til þess að adda yoelan á msn hjá sér.

Þetta er svarið frá mér

Hello mr yuelan

I am looking for á LCD TV. What have you got for me in 40"?

ingi

2007-11-14T13:28:00.000-08:00

Þegar Luigi var lítill strákur í sunnudagsskóla lagði hann sig allan fram í þeirri list að breyta brauði í kjöt. Hann fylgdist með móður sinni blanda saman hveiti og vatni og mjöli daginn sem hún hjálpaði systur hans í barneignum. Hann prófaði sjálfur listina með brauðhleif og rauðvínsglasi hálffullu af Pinot Noir Búrgúndí 2005 og eins og faðir hans hafði kennt honum, fór hann með töfraorðin. “Verði brauð að kjöti, eða hvað!” En allt sem hann fékk var brennd ólífustappa og flengingu frá föður sínum.

Hann spurði Prestinn sinn hver hefði unnið í þrúgunámunni á vínekrunni við Riveria La Poues, troðandi þessu rauða mauki á pallbíl mágs síns svo óvarlega að þrúgurnar voru líkari múrsteinum en vínberjaklösum. Sérann sagði honum að eitt dekkið á pallbílnum væri heilagt og bað hann að koma með sér inná klósett til að skoða afurðir sínar og sannreyna að hann hefði ekki eignast afkvæmi. Luigi vissi að meðganga tæki níu mánuði og því kíkti hann reglulega á klósettið næstu mánuði.

Seinna lærðist honum að skilja eðlisfræðina sem á sér stað þegar hann blandaði saman hveiti, vatni og mjöli, og bakaði sér reglulega brauð.

2007-10-21T07:34:00.000-07:00

Alltaf þegar mér er boðið lambakjöt hugsa ég um Gaur. Ég man ekki hvenær ég kynntist Gaur. En ég þekkti hann alla hans ævi. Líklega fór ég að kynnast honum fyrir alvöru eftir sláturtíð að hausti á hans fyrsta ári. Það eru yfirleitt 3 hrútar á hverju ári sem fá það hlutverk að viðhalda bústofninum. Gaur var einn af þeim heppnu.
Ég var með nokkuð skýrt afmörkuð verkefni í fjárhúsunum hans afa þegar ég var krakki. Ég fór í kaffi til ömmu og afa á hverjum degi og eftir það röltum við í fjárhúsin. Hann gerði heyið klárt og sagði mér að sjá um að klappa hrútunum á meðan og gefa þeim vatn.
Gaur var frekar styggur í fyrstu og leyfði mér ekki að klappa sér. Hann stangaði mig í hendurnar þegar ég nálgaðist hann. Ég vandist því að hann myndi reyna að stanga mig þegar ég gerði tilraun til að klappa honum og fór að stilla lófunum upp gegnt hornunum á honum og gekk hægt að honum eins ég væri að undirbúa hrútaslag. Eins og við værum að fara að stangast. Hann setti þá upp undir sig hornin og starði í lófana eins og um raunverulegann andstæðing væri að ræða. Eins og í aðsigi væri uppgjör milli tveggja hrúta um hvor þeirra væru kóngurinn, alfa karlinn, og hvor væri ómega karlinn, aukaleikarinn.
Þetta komst upp í vana hjá okkur. Á hverjum degi gaf ég honum vatn og stangaðist við hann. Hann tók þátt í leiknum af heilum hug og milli okkar mynduðust tengls sem einungis geta myndast milli manns og dýrs. Eitthvert form af samhug, sameiginlegum skilning á mismunandi aðstæðum og ólíku hlutverki hvors annars í lífinu, en áttum þetta sameiginlegt. Hjá krakka uppí sveit sem fær ekki tækifæri til að hitta jafnaldra sína reglulega verður svona samband manns og dýrs mun líkara vinasambandi heldur en sambandi drottnara og lítilmagna. Hann eignaðist tugi eða hundruði afkvæma og ég hjálpaði til við að taka þau af lífi og borðaði nokkur þeirra.

Söknuður

2007-09-27T16:03:00.000-07:00

djöfull sakna ég baugsmálsins

2007-09-24T07:26:00.000-07:00

Villi í giftingunni hans Rúnars

2007-07-18T16:10:00.000-07:00

Lífrænt ræktað ítalskt Chardonnay.

Með það í huga hversu ávaxtakennt Chardonnay getur verið, halla ég höfðinu aftur með gúlsopa í munninum, og anda í gegnum stút á vörunum svo sætur drykkurinn frussast kurteislega inn og út úr munninum svona svipað og hljóðið úr gömlum nýuppgerðum Mustang gefur frá sér, og gefur til kynna, þegar þú sleppir fóttakinu á bensíngjöf tryllitækisins eftir að hafa unnið spyrnukeppni á ljósunum á gatnamótum kringlumýrarbrautar og miklubrautar klukkan hálftólf á virkum degi í miðri viku eftir heimsókn til fyrrverandi konunnar þinnar og nýja gaursins sem þú svarðir að drepa ef þú myndir einhverntímann hitta helvítið. Vá þvílík blanda af ferskum ávöxtum og gömalli notaðri blómapottamold. Eftirbragðssýra Rapunzel Vinothek Chardonnay fær tunguna til að skreppa saman eins og prumpublaðran sem þú stakst undir afturenda þíns núverandi fyrrverandi þegar hann ætlaði að setjast við matarborðið hjá þinni fyrrverandi og þú laumaðist til að nota tækifærið og hann steig beint í gildruna, eða settist í gildruna og svo varst það bara þú sem hlóst þig máttvana við matarborðið og fékkst á þig öll þessi skringilegu augnráð og misstir út úr þér þetta litla komment um að hugsanlega væri ástæðan fyrir þessum ótrúlega vel heppnaða lífræna Chardonnay árgangi ekki veðurfar og árferði heldur tækni sem gerir framleiðandanum kleift að láta þrúgurnar blómstra við hvaða aðstæður sem er þessa dagana.

2007-05-03T12:46:00.000-07:00

Bourgogne.

Hvað er þetta? Er þetta rödd guðs sem ég heyri hvísla upp í nefið á mér? Nei. Þetta er lyktin af Pinot Noir Bourgogne (íslenskað búrgúndí). Við stöndum á tímamótum. Við erum kynslóðin sem fáum að upplifa búrgúndi eins og hann getur orðið bestur.

Jarðvegur, raki og hitastig eru framherjar vínframleiðslunnar. Carbon díoxíð hefur aukist um 30% í andrúmslofti jarðarinnar á undanfarinni öld vegna áburðarefna í jarðvegi. Lyktin af víninu ber keim af baneitruðum áburði. Hitastig eykst í sífellu á jörðinni. Tíu þúsund frakkar létust í hitabylgjunni sem gekk yfir Frakkland árið 2003. Við sjáum fram á heimsendi. Og við sjáum fram á bestu búrgúndí uppskerur sem nokkur víndrekkandi kynslóð hefur fram til þessa lagt inn fyrir varir sínar.
Það gefst ekki tími til að syrgja. Fallnir félagar og rústir bygginga framtíðarinnar bræða bragðlaukana. Eitraðar gastegundir og megn reyklykt úr byssuhlaupum verða til þess að þú gleymir stað og stund. Þú stendur einn frammi fyrir óvininum í algleymi. Þú veist af skammbyssunni í byssubeltinu en þú færð þig ekki til að sleppa flöskunni. Horfir í augu óvinarins meðan hann hleður byssuna. Hann er ein taugahrúga. Þú ert sallarólegur þegar þú áttar þig á því að þú átt eitt skot eftir í hylkinu. Þú dregur djúpt að þér andann. Klárar síðasta dropann. Það er kominn tími til að dansa.

2007-05-01T11:01:00.000-07:00

Talandi um vín. Tölum aðeins um Premier Cru.

Þú þekki það best af öllum vínum, ef við erum að tala um ódýr vín. Það er súrt með viðbjóðslegri lykt og eftirbragði sem gerir þér fullkomnlega ómöglegt að halda pókerfési. Smakkast á vissan hátt eins og skúnkur, án þess þó að það sé sagt í slæmri meiningu. Nei meira eins og kaffi. Eiginlega er lyktin eins og vönduð og örfín snilldarblanda af skúnk, kaffi og handakrika. Svolítið flókið vín, háþróuð bragðsamsetningin er nánast móðgandi og langt eftirbragðið minnir þig á mold og hafragraut. Þungt smjörbragðið leikur við tunguna löngu eftir að þú kyngir, svona soldið súrt eins og maður gæti ímyndað sér að fiskur smakkist ef maður hefði aldrei smakkað fisk. Mjög gott með mat.

gat nú verið..

2007-04-29T08:29:00.000-07:00

Vegna ... í staðinn endurpósta ég hluta úr ársgamalli færslu um hvernig þú ferð að því að átta þig á því að þú ert að drekka chardonnay..

..chardonnay er svolítið ávaxtakennt. svolítið eins og tenniskennarinn sem var að eyðileggja hjónabandið þitt. hann virtist vera svo skaðlaus. hann las oskar wilde. svo einn daginn kemur þú heim til þín og það er tennisspaði á rúmstokknum. þú grípur haglabyssuna-bara til að hræða þau aðeins-en skýtur óvart einu skoti og, guð minn góður - er allt í lagi með þig þetta er slæmt þetta er slæmt þetta á ekki eftir að líta vel út í dagblöðunum á morgun. róa sig. fáðu þér chardonnay. chardonnay mýkir allt. þessi þáttur sem þér finnst svo skemmtilegur er að byrja í sjónvarpinu.

ingi út

2007-04-28T06:15:00.000-07:00

Nú styttist í verkalýðsdaginn og kosningar. Það er því afbragðsgóður tími til að stappa stálinu í fólk með tveim tilvitnunum í Maó Tse-Tung.

"Sérhver kommúnisti verður að skilja sannleik þessara orða: Pólitískt vald kemur úr byssuhlaupi".

"Vér erum boðberar þeirrar stefnu að útrýma styrjöldum og vér óskum ekki eftir stríði. En stríði verður aðeins útrýmt með stríði og til þess að losna við byssuna, hljótum vér að grípa til byssunnar".

Hvað varð um almennileg kosningaslagorð?

2007-04-21T05:12:00.000-07:00

Vegna mikils mannfjölda og skorts á sætaplássi settist eldri maður þétt upp að mér á leiðinni heim úr Bónus. Í stuttu en óþægilegu ferðalagi sagði maðurinn mér frá áhyggjum sínum af landanum. Hann tjáði mér að honum litist illa á þá blöndun sem væri að eiga sér stað, við allra þjóða kvikyndi. Ég þóttist vera sammála til þess að reyna að lágmarka alla möguleika á skoðanaskiptum eða rökræðum. Ég kinkaði kolli reglulega, leit með reglulegu millibili í augu mannsins og brosti gervilega þegar maðurinn virtist vera að segja frá einhverju sem honum þótti sjálfum sniðugt. Þegar ég kom heim áttaði ég mig á því að hann var að tala um landa í sama skilningi og ég legg í orðið.

2007-04-08T07:42:00.000-07:00

Þú, kæri lesandi, átt hugsanlega erfitt með að trúa því. En raunin er sú að hafragrautur og hnetusmjör er mjög góð blanda.

2007-03-21T11:00:00.000-07:00

Samkvæmt mbl verður Malaga fyrsta borgin til að bjóða uppá þráðlaust net nánast hvar sem er innan borgarmarkanna. Ætli þeir myndu halda áfram á þessari framfarabraut tækninnar ef þeir þekktu malagalagið?

Er ég kem heim frá Malaga,
verð ég alveg spinnegal.
Fer í fríhöfnina,
og kaupi nammi og bjór..

2007-02-22T16:23:00.000-08:00

nú er orðið annsi langt síðan ég hef bloggað. það virðist vera nokkuð algengt að fólk bloggi um að það sé langt síðan það bloggaði.

2006-10-22T16:06:00.000-07:00

eg er i edenburg. thessvegna mun eg ekki eyda tima minum i ad blogga.

2006-10-09T15:37:00.000-07:00

"Þetta ætti að lækka í þeim rostann" hugsaði skipstjórinn á Agnari Braga SE. Hann vissi að allt þorpið stæði við bryggjuna og biði eftir mestu löndun sem nokkurn tíman hefði komið að bryggju þessu guðs volaða skítapleis. hann hélt hægri höndinni utanum stýrið á meðan hann fékk sér einn sopa með hinni. "helvítið hann kafteinn Stefán á SPS Nóatúni á ekki séns frekar en vanalega." Stefán hafði verið nálægt því að koma með jafnmikinn afla að bryggju í síðustu tveim túrum. Innst inni var skipstjórinn lafandi hræddur við að í þetta skiptið myndi hann skáka sér. Ef kafteinn Stefán kæmi með stærri afla væri skipstjórinn búinn að missa stöðu sína í samfélaginu. Hann hafði alltaf verið fyrstur að landi. Og alltaf með meiri afla en hinir. Skipstjórinn lagði frá sér flöskuna. "mmm það er ekkert betra en viskí í bombu, djöfull hressist maður HAHAHA."
20 tonn af loðnu vögguðu skipinu hægt og rólega af annarri hliðinni á hina. Aldrei hafði skipstjórinn setið með þvílíkann afla undir sér. Agnar Bragi SE hallaðist rólega að N.A.S.A bryggjunni. Afturhlutinn fór á undan. Stúlkan í afgreiðslunni stoppaði hann, "það kostar 1800kr inn." Skipstjórinn rétti fram gullkortið með þungu augnaráði langdrukkins skíthæls. "Helvítis gyðingar" muldraði hann og gekk þungum skrefum í átt að barnum, barði kreptum hnefa í barborðið "fá einn STÓRANN."
Í sömu andrá áttaði skipstjórinn sig á aðstæðunum. Stefán á SPS Nóatúni var búinn að landa aflanum við fagnaðarlæti þorpsbúa. Skipstjórinn leit í átt að bryggjunni, teygði hendinni í vasann í átt að fjarstýringunni og án þess að hugsa sig um ýtti hann á LOSA ALLAN AFLA takkann.

2006-10-01T12:57:00.000-07:00

"neineinei þetta er ekkert helvítis kaffihús. við afgreiðum ekki kaffi. pantaðu eða farðu, ég hef ekki allan dag." sagði litli barþjónninn á efri hæðinni á Barnum. hann leit útundan sér á samstarfsmann sinn í augnablik. kíkti rétt aðeins á brjóstaskoruna á henni. hún höfðinu hærri, falleg stúlka á þrítugsaldri, leit með vott af fyrirlitningu á hann til baka. ég lagði vinstri höndina á öxl sabba, horfði í augun á honum og sá sorgina glampa úr þeim. hann hafði nýlega sagt skilið við enn eitt ár af lífi sínu. það fór ekki á milli mála að það tók á hann. "nei þeir selja semsagt ekki kaffi hér" sagði ég og lét fylgja vinalegt bros með. "hvað segiru um að ég kaupi handa þér eitt viskíglas? helduru að það sé ekki kominn tími til að fá sér aðeins neðan í því?" hinn sorgmæddi félagi minn stundi ekki upp orði, en ég sá að hann var að reyna. hann hreyfði munninn með trega og gaf til kynna að hann þæði boð mitt. ég hafði tekið námskeið í varalestri nokkrum mánuðum fyrr vegna heyrnarlausrar stelpu sem ég hélt að ég elskaði. hún sagðist elska mig líka, en að hún gæti aldrei verið með manni sem skilur ekki hvernig er að lifa hennar lífi. ég skildi hvað sabbi var að reyna að segja þó orðin heyrðust ekki. "uss, ekki tala. njótum bara stundarinnar. hugsum ekki um framtíðina núna." ég er ekki viss, en ég held að ég hafi séð vott af gleði í tárinu sem rann einmana niður eftir vanga hans. litli barþjónninn var kominn með tvö glös á barborðið. ég spurði hann hvort hann ætti eitthvað sérstakt handa félaga mínum. hvað væri besta viskíið. "við erum bara með eina tegund." sagði hann í þjósti og leit snöggt útundan sér í leit að sterkri nærveru samstarfsmanns síns. hann fyllti glasið, tæmdi flöskuna. náði í gin og fyllti restina af hinu glasinu með því að blanda gini við viskíið. "ertu eitthvað klikkaður" sagði þórður við hinn endann á barborðinu. barþjónninn horfði pirraður á þórð og jonna. "hvern fjandann kemur ykkur við hvað ég set í glasið þeirra." hann sótti nýtt glas og opnaði nýja flösku af viskí. jonni teigði hendinni laumulega yfir barborðið í blandaða glasið þegar barþjónninn sá ekki til. hann drakk blandaða drykkinn í einum teig. honum svelgdist eitthvað á og gubbaði á litla barþjóninn. "HVAÐ ERTU AÐ GERA MAÐUR?" öskraði barþjónninn og löðrungaði jonna. þórði varð svo um við þetta allt saman að hann brast í grát. "sabbi. við skulum setjast hérna" sagði ég og strauk sorglegum félaga mínum vinalega eftir mjóhryggnum.

2006-09-28T05:26:00.000-07:00

vegna síðustu færslu vil ég taka fram að myndin er sviðsett. ég hef fengið að heyra svívirðingar á götum úti af fólki sem ég kannast ekki við. fengið haturspósta frá góðum vinum og verið hótað svipaðri meðferð frá fólki af öllum aldri.

nóg um það

ég vil þakka umboðsmönnum rolf johansen á íslandi fyrir að hafa sent mér langþráð sólgleraugu í pósti. þau eru reyndar frekar ljót, en sigur í baráttunnu við svikamyllur og galdrabrögð stórfyrirtækja gegn sameinuðum öreigum og almennIngi þessa lands. til að sína auðmýkt og umhyggju fyrir tapaðri krónu hollenskra stóreignamanna mun ég bæta þeim það margfalt með því að drekka heineken bjór um helgina.

ég sá tvo menn æla á dansgólfið á sirkus um síðustu helgi. það stoppaði þá ekki í dansinum. það stoppaði reyndar ekki neinn frá dansinum. menn dönsuðu æluna burt. það stoppaði mig ekki heldur.

friður

2006-09-20T16:55:00.000-07:00

þegar vinir mínir sofna á almannafæri geta þeir treyst því ég mun ekki skilja þá eftir. heldur vekja þá þótt það þurfi að skvetta á þá vatni.

ég er vinur vina minna

RE: RE: RE: RE: Heineken leikur

2006-09-11T17:42:00.000-07:00

Sæll Arnlaugur

Geturðu þá sent mér þau á eftirfarandi heimilisfang: Hellum 2 , 311 Borgarnes

kv
ingi

...

ég mun ekki gefast upp fyrr en ég fæ sólgleraugun mín afhent, en ég er ekki að nenna að fara að sækja þau.

2006-08-22T14:02:00.000-07:00

samskipti mín við útsendara heineken á íslandi, mr arnlaug helgason, hafa skyndilega tekið óvæntan snúning.

..

RE:RE:RE: heineken leikur

Sæll Ingi.Við sendum þessa vinninga eingöngu til þeirra sem búa utan stór
Reykjavíkur svæðisins. Þú verður því að sækja
Þín sólgleraugu til okkar :)
Kv.,Addi.

..

hver sá sem bíður sig fram til að sækja heineken sólgleraugun mín fær eiginhandaráritunina mína og kippu af heineken bjór.

hver bíður sig fram?

2006-07-30T12:35:00.000-07:00

RE: Heineken leikur

Sæll Ingi Rafn.

Það er smá misskilningur í gangi varðandi vinningana. Þú þarft að fá nákvæmlega eins og stendur í vinngaskránni þ.e. merkin þurfa alltaf að vera vinstra megin í röð ekki t.d. 3 merki einhvers staðar á línunni. Ég vona að þetta skýri hlutina en ef þú ert enn ósáttur þá er í sjálfi sér ekkert mál að láta þig hafa sólgleraugu. Vertu þá bara í bandi við mig.

Kær kveðja

2006-07-26T16:55:00.000-07:00

eftirfarandi bréf fékk rolf johansen & company frá mér eftir að hafa svindlað illa á mér (þeir eru með heineken umboðið á íslandi).

Daginn

Ég er ekki sáttur..

Í mínu mesta sakleysi tek ég þátt í heineken leiknum ykkar á netinu og þar er svindlað á mér hvað eftir annað. Ég vinn hvern vinninginn á fætur öðrum og þeir eru umsvifalaust hafðir af mér eins og ekkert sé sjálfsagðara.

Fyrst vinn ég 3 heineken merki. Sem samkvæmt leiknum þýðir að ég á að fá heineken sólgleraugu í verðlaun. Ég gerði þau skelfilegu mistök að taka ekki screenshot af skjánum hjá mér í það skiptið. Enda trúði ég því ekki uppá svo virðulegt fyrirtæki sem RJC er að það fari að svíkja frá mér sólgleraugu sem ég hef með heiðarlegum hætti unnið mér inn með þáttöku í þessum leik.
Því næst vinn ég mér inn tvo spilapeninga sem eiga að gera mér kleyft að spila tvo leiki í viðbót. EN HVAÐ? Ég fæ bara EINN spilapening. Ég verð skiljanlega verulega vonsvikinn. En tek screenshot í þetta skiptið. Það er hægt að skoða í meðfylgjandi viðhengi. Næsta sem ég veit er að ég lendi aftur í því að það er hafður af mér spilapeningur, og aftur, og AFTUR.
Sem betur fer hafði ég vit á því að taka screenshot af þessum svindlum, því til sönnunar að nú á ég með réttu inni hjá ykkur 4 SPILAPENINGA og HEINEKEN SÓLGLERAUGU.

Ég vænti þess að þið séuð heiðarlegt fólk sem starfið hjá RJC og að þetta hafi verið mistök hjá forritara og þið munið hafa samband hið fyrsta til að greiða skuld ykkar við mig.

með sárri kveðju
ingi rafn sigurðsson

2006-07-23T14:52:00.000-07:00

hér með er ég orðinn að sportista.

á föstudaginn fór ég í strandblak og á laugardaginn hjólaði ég til hveragerðis. næstum fjögra klukkutíma rúntur á stelpuhjóli systur minnar. það var geðveikt.
áður en ég lagði af stað var ég virkilega efins um hvort ég ætti að vera að leggja í þetta rugl. þannig að ég steitti hnefanum upp í loftið og öskraði á guð. "á ég að hjóla til hveragerðis? eða á ég að sleppa því?"
mér til mikillar undrunar svaraði hann að bragði.

G: JÚ STRÁKUR SKELLTU ÞÉR Á HNAKKINN OG HJÓLAÐUR TIL HVERAGERÐIS.

I: "ha! meinaru það? á ég að fara?"

G: AF HVERJU EKKI? HEFURU EITTHVAÐ BETRA AÐ GERA?

I: neee. það er kennski rétt.. já en gætiru kannski sent mér einhver tákn þannig að ég geti verið viss um að þú sért ekki bara eitthvað að rugla í mér, skiluru. eins og til dæmis einhverja péninga eða svoleiðis. þú veist. til að ég viti að ég sé ekki bara eitthvað að ímynda mér. skiluru?

G: HMMMM.. TJAH EEEEMMMM JÆJA OK. ÉG SKAL SENDA Á ÞIG EITTHVAÐ SMOTTERÍ.

I: hei vá. ok takk sjáumst.

stuttu seinna fékk ég bréf frá sýslumanninum í borgarnesi sem í stendur að ég eigi inni hjá honum 2979 krónur. mér er gefið upp netfang og sími hjá einhverjum gjaldkera. og ég er vinsamlega beðinn um að ómaka mig við að láta þau vita inná hvaða reikning eigi að leggja gersemarnar.

I: ha! hvað meinaru guð? er þetta allt og sumt. tæpur þrjúþúsundkall!!! á ég að fara að hjóla allaleið til hveragerðis fyrir minna en þrjúþúsund? ertu að grínast?

..og guð svaraði (mér að óvörum (þó ekki alveg óvænt (enda stutt síðan maður spjallaði síðast við kallinn (en auðvitað gerir maður ekki ráð fyrir að guð svari (alla vegna ekki í hvert skipti sem maður segir eitthvað við hann))))).

G: HEYRÐU GÓÐI! ERU MENN EITTHVAÐ ORÐNIR MERKILEGIR NÚNA EÐA? MÍNIR PÉNINGS EKKI NÓGU GÓÐIR FYRIR ÞIG MERKIKERTIÐ ÞITT!!!

I: nei ok. hei bara rólegur sko. ég meina, þú hlýtur að geta séð af aðeins meiru?

G: VIÐ SJÁUM TIL MEÐ ÞAÐ VÆNI.

nú jæja. maður er nú maður orða sinna og hingað til hefur ekki þótt vænlegt að svíkja peninga úr guð. þá er hætt við heldur harkalegum hefndum. svo ég drullaði mér yfir hellisheiðina á stelpuhjóli.

...

þegar ég kom heim frá hveragerði komst ég að því að ég vann 100þúsundkall í lottó.

spurning um að fara að pakka niður fyrir næstu utanlandsferð?

2006-07-05T06:25:00.000-07:00